睡覺也是一種福

琴晚係本小姐係本世紀以來訓得最最最好既一晚正

因天氣轉變既關係，起身同臨訓覺時經常都會鼻窒或者流鼻水
最討厭係咁><

聽朝要6點25分起身，嘩，趕緊去睡覺了～

聚舊

星期一晚，我、黃咖哩同呀bill一齊去食小肥羊(dinner)
第一次食小肥羊，為補祝黃咖哩生日
貴就貴左d，不過間唔中豪一次我覺得可以接受XD

超豐富呀
好耐冇見過billbill，佢轉左個耶蘇look (頭髮好長)……
黃咖哩買左部psp但居然唔係用黎打機，真串嘴
其實我好想打架……你借我打我出年還番俾你丫！
好奇怪點解佢近期愛上左紫色……咪同我撞色呀

billbill依然係咁「窈窕」，24寸腰XD
而黃咖哩就用左大部分時間黎暢談陳某君既「趣事」
講到口水乾都仲要繼續講，哈哈哈XDD

嗯，其他野都冇乜點變

見到尖咀夜景燈飾咁靚真想行陣街
不過可惜我地食完已經11點，店鋪都要關門了
變態架食左3粒鐘，我食buffet都冇耐……

===========================================

太好了
本書已經到左貨，差在我幾時去拎
不過我一定要僅慎揀時間 (要確保可以14天內看畢)
因為我一打開本書，就可能會與世隔絕……哈哈

好眼訓，聽朝仲要學琴，閃人先了～

置之死地而後生

其實係呢14日裡面，有d野仲未提及
因為每天都實在發生太多事了，不能盡錄

琴日，終於買到對boot，實在開心得難以形容
有人話我要求好高？但我又唔係好覺(哈)
我覺得以咁既價錢，你要我付上更多的代價我都願意

我曾經因為對boot搞到想放棄，好唔開心
因為我真係好想要，但又唔想被物質束縛
而家終於了結了我的心願ヽ(´▽｀)/YEAH!!!

然後，到了今天
8:10起身沖涼，陪屋企人食早餐
之後要返屋企打掃，但我唔知點解覺得好累
我答應要幫手一齊打掃，但我攤左係張床訓覺……
訓左2粒鐘，出街食lunch
之後打返以前未打既日記，打到好累，又訓……

夾埋訓左差唔多12粒鐘……哈哈

PS. 真係好多謝kenny，無言感激 (謝禮唔肯收咁有性格呀)
我一定會俾心機做好佢！

終極挑戰

有乜野想講，想要過埋聽日先
就係「精華遊」既最後一站

===========================================

前一晚，做到凌晨二時半，為了準備第二天的presentation
第二天早上，七時半起床，溫accounting

最後一站，也就是最難應付的一環吧。

第一堂8:30就要quiz account，而最尾一堂卻要present
即是說，不可以走堂，也不能遲到。

我d account好屎，所以好驚
不過好彩franco出得比較淺，我過關了

至於那個終極presentation，處於驚與唔驚之間
驚是因為我們會對著三班同學present，75人耶
之前present也只會對著自己班的同學……
不驚，是因為到時我也只會對稿讀，因為無可能背到稿
而我前一晚搞到咁夜訓就是為了這個

present之前有個break
去到操場，見到同學在打排球，問我們玩不玩
排球是我的頭號運動弱點
不過見他們興致勃勃，我也想加入……

著住suit打排球，真是第一次

果然，我好屎……
接又接唔到，打又打唔到，仲搞到隻手瘀左(＠Д＠；
因為用錯力吧
下次還是做觀眾好了

present開始，我負責其中的問題環節
我預先告訴了同學答問題有獎品：薯片or金莎
我接了mic，未開聲場面已經失控……
不過反應熱烈總好過訓哂覺，哈哈^^

miss話我地個presentation做得好喎

唔講唔知，
由開會分工、資料搜集、做、edit、print到present
我們只用了7天時間，真是少得太離譜了
但做到出來都可以俾miss讚，
證明我地真係潛能無限，哈哈……

===========================================

結束的一刻，就像尾聲的煙火將最燦爛的煙花散盡空中
然後一下子消聲暱跡，一切繼續依舊正常地運行

因為我已經累得連自己7小時沒吃東西也不知道(指星期五)……

太累了，太累了

做到某個境界時，連情緒都會遺失掉
像蒸氣那樣無聲無息地在空氣中消失

縱然街上四處已經佈滿漂亮的聖誕燈飾
我想我也沒心情去看多眼

我忽然先知道，原來下星期
除左星期四，其他日子都唔洗上堂
仲要唔知咩原因……

今晚返工，第一次返$50一個鐘
好耐未化妝了

=======================================

初時其實不太想答應上班
因為上班的地方以前留下了一些不好的回憶
雖然，事隔一年一定會有所改變
但人工也很吸引……嘻
我叫自己什麼都不要想就好

去到銅鑼灣A出口，時代廣場轉左的馬路
我見到阿風！
心想，第一次再回來就遇到他真是太捧了
心情轉好

不過我沒有跟他打朝呼，我人很怪吧

我們從那裡開始一直走到check-in counter其實都是只有一條路
所以要不碰上其實是很難的
最後，我們在升降機的等候處一起遇見了對方，say hi

然後，我在員工飯堂又見到他
他坐在我同一水平線的左手邊較高的位置
怎麼這麼巧？

可是，阿傑好像沒看見

到了上班場地，一眼看見有二十圍臺
排得密密麻麻，眼差點掉下來了
然後要我們做cocktail

……我第二天就因為兩手臂肌肉酸痛而痛醒
手手腳腳都痛
是因為很久沒做過西餐了

不過，心想，值得的

不再是trainee之後，也不會太計較上司的評分了

reason

係一般情況下
如果你地見我狂打日記，好亂咁乜都講一餐既話
(有時仲會無拉拉講d好奇怪既野，譬如人生哲理、死亡等)
唔係我無聊，反而係因為果排好多野做或者壓力大
因為唔知幾時開始我就已經習慣左這種抒緩緊張的方式

相反，如果見我半個月都唔打一次
擺到明玩失縱
咁就等於擺到明我「出左事」
你睇番d記錄就會知

===========================================

點解咁想睇呢本書既原因
係因為想知道，一個女人係丈夫離開她之下(新婚)，
個女人憑咩可以繼續生存。
你用常理都會諗到，最親既人離開
生活、社交、甚至工作、娛樂，全部都會癱瘓
然後情緒會漰潰
就算你未死，都係生不如死。

另外，想知道果十二封信講咩。
點樣俾個女人有種「雖死猶存」既感覺 (又令我諗起sai)
同埋令佢恢復正常生活
或者，令佢重拾愛既信心……

===========================================

最近變左做夜貓，過左兩點先訓……

Thruogh the Past...

好聽……

剪影

今日鼠鼠教kathy摺心心
我好奇，又想學下

個心忽然一痛，諗番起一d野
曾經貼起右上角個mon既心，究竟去左邊……粉紅色的

有時，連我都會忍受唔到自己咁大頭蝦

===========================================

相機，是我的生命

音樂，也是我的生命

一旦失去接觸，人生不再是人生。

聽朝仲要測英文，遲d先寫。

===========================================

哈哈哈哈哈哈哈哈哈哈哈哈哈哈哈哈哈哈

終於又有新進展啦
我每隔2-3日就上去library個網睇下有得book未

好明顯呢樣野我係志在必得，不論任何時間
(有興趣可以睇下右下角個鐘)

===========================================

琴晚發左個好怪既夢
夢入面自己又唔記得左1d好重要既野
今次係音樂考試(小提琴？)，吃驚(lllﾟДﾟ)
驚到訓醒都仲諗緊，幾乎蓋過英文的test

琴晚2點幾先訓，今朝要7點鐘起身，訓得4粒幾鐘
九點測英文，好心佢就唔好咁早考啦
開頭都幾有心機寫既，之後就麻麻地
慢慢嘔d料出黎……是但啦這個要求不太高

測完之後仲要傾HR project
下星期五要present既project，郁都未郁過
我覺得我地真係愈黎愈厲害嚕……呢d叫挑戰極限

傾完梗係返屋企覺覺豬啦，精神唔好乜都唔想做

馬會Training完左剛好一個月
而家先真正開始面臨財政危機
我好驚本紅簿仔d錢會幾個月之內變零(　Д)　ﾟ　ﾟ←(眼睛飛了出來)，所以一定要睇住黎洗……

你地有冇去泰林掃貨？

調擠

今日廚房Italian P&O present
最開心係見到Floor Plan果度ヽ(*≧▽≦*)φ
真係辛苦哂美心整d咁可愛既野俾我地XD

唔知係咪因為精神崩緊，搞到又有d頭痛

上緊堂果時，mandy忽然間問我地放學去唔去行街
我地個個點頭，又有即興節目啦，好耶！
辛苦完，其實真係好需要俾自己happy下^^

我地係旺中行左一陣，去左元綠壽司食野

d燈光幾吸引架 (第一次去)
之後又去埋通菜街，其實有好多野都幾喜歡
我地四圍係咁摸d野
毛毛、波波、boot、冷帽、外套等等，但價錢就……
ｋａｔｈｙ買左２條褲，搞到我都心郁郁呀

6點半放學，我地行到11點先走，勁唔勁？
而家既時間係凌晨2點鐘。

最慘係，行左3次街，都仲未搵到一對心水boot
我真係好想好想好想買對新boot過今個冬天丫唔開心＞︿＜

精華兩星期

我覺得，9/11-22/11，這兩星期
彷彿是一個旅程的精華遊
因為每天都有很多事情發生
心情也像過山車一樣隨著速度而起起伏伏
帶來了很多深刻的經歷、難忘、挑戰

一定要整呢個表先可以表達到我想表達既野
然而我終於知道咩事令到我upload唔到圖啦
原來呢個網係唔可以一次上傳多過1mb既file…

首先，時間由早上八時開始，因為我八點起身
10當係起點，之後果d心情就跟住佢加加減減
(忽然間覺得好似睇緊個般市咁XD)

我起身溫左一陣書先出門口
十點半一返到去就要測普通話既listening
有點難度，再加上無咩心機做，最憎唔識寫漢字……
測完去左食brunch，食完之後
我同crystal去霸位溫書，鼠鼠同kathy去上英文堂+拎notes

5點半測front office，我地由11點半靜坐到5點半
即係話我地用左一日裡既4分1時間坐、溫FO……
等受死…………

我地係學校花園靜坐
買埋零食，否則必定撐唔到咁多個鐘
由曬坐到變唔曬
呢個鐘數應該係3點幾，溫到意志最消沉的時候……

測完Front Office，我feel到自己又再短多五年命……

就係我地溫緊書無聊既時候
我地係度傾幾時去睇<爆粗band友>
crystal話好睇搞到我都好有興趣^^
跟住有人話：不如就今晚啦，測完驗之後

測驗令人情緒低落，雖然累，但好應該搵番d野調擠一下
於是我地去朗豪坊買九點半場既飛
買完飛差唔多八點，去沙嗲王食dinner
每人$55食到超飽

買飛果時又係得番d最前同最後既位
我地揀左最後，原來坐到最後果排先適合個角度去睇…

<爆粗band友>真係勁爆笑……
最好笑係個主角跑步個動作，
同埋不願意又驚俾人打既臉部表情…笑死我……

睇完戲太開心未夠喉其實仲想去行街
不過果時已經11點幾，鋪頭關門了，便回家去～

有衝動想再睇XDD

地獄裡的11月

琴晚一樣好夜先訓
今朝掙扎左一陣，結果都係起身同屋企人一齊食早餐
其實，係因為我好想感受下室外清涼既氣息
相信都會令人精神d

我最愛既秋冬呀ヽ(´▽｀)/爽～

星期二要test Front office，只有兩天時間溫6課書
我用龜龜的速度進行中……仲慘過做project
此時此刻，就要我承受之前唔留心上堂既惡果
唉……又開始頭痛……

=========================================

想換電話，想買手錶(黑鋼我鐘意呀!)
換銀包，買靚衫，仲想買boot……
但冇時間睇，唉

雙重壓力之下，總是會有很多幻想
更多的是糊思亂想，影響自己的狀態

是你的觀察力減退了
還是我自己的多心？

天啊，I want freedom...

衝動 vs 保守

終於又到左星期五，可以稍為有時間休息下
去寫我既日記

其實做果份report真係消耗左我超多精力……

今日想講既題目比較敏感
想講，但又唔知應該由邊度講起好

郭小姐既戀情好似成日都起起伏伏既咁
每次聽佢訴苦(我願意為你分憂!!)，都會諗起自己
自己的問題，仲有我想念的人

但佢今次比較嚴重，仲要提出分手
我講左一d我既經驗俾佢聽，睇下可唔可以幫到佢
希望救到佢既一段已經維持左三年既感情關係

佢地拍拖既三年，正正就係我學獨立既三年

我撐你架拎個心出黎，唔好咁易放棄呀

張床亂到乜咁，都唔知點訓……

the Best to You

YO小姐要出書喇!!!!!!!!!!!!!!!!!!!!!!!

實在太興奮
但如果再唔訓既話，就只可以訓得6小時
所以都只能乖乖地去訓覺……

屋企剎那間好似變左工場咁
我一印就印左60頁紙，用厚一級既紙以及私伙printer
去print我份group report

咁印法其實都幾心痛(全彩)
但我爸話，交功課要最好，
所以我地已經不計成本啦！

無論結果係點，我自己盡過心血去做呢份report
我自己已經覺得好開心
因為佢代表左一個流程(出餐)既結終。

I Pray...

有你的支持與鼓勵
我總可以做得更好、更加好

I pray, everything will be alright.

========================================

想寫一篇有內涵的日記，不行，因為沒時間
想要做自己想做的事，不行，因為沒時間
想踩單車、韓燒、唱K，不行，因為沒時間
no time, no talk.

有時候真想不知道該寫什麼好
不想每天到這裡吐苦水成了我的日記內容^^"

乘車時，睡覺；等車時，發呆
我就連望窗外的風景也沒空

天啊，今季的boot沒怎麼出色，叫我怎樣買？
天啊，同d fd飲茶太開心，d錢洗得好快……

我等這個冬天，真係等到頸都長埋
終於肯轉涼啦喎。

生飛支，痛左成個禮拜啦......囧

High Season

你可能會問：究竟係乜野旺季呀？
睇埋下面先啦。

7/11 - Restaurant report, HR quiz
10/11 - Epitome test
11/11 - FO test
13/11 - Kitchen P&O
15/11 - English Assessment (writing)
17/11 - HR report
21/11 - HR present

d野排山倒海咁黎，仲唔係旺季
想去玩都難......so sad........

=========================================

新一輯<現代塵世美>帶我地去到瑞士，正呀！